Evento: 25N no Museo do Mar de Galicia

O Museo do Mar de Galicia, dependente da Consellería de Cultura, Educación e Universidade, desenvolve durante esta semana unha programación especial arredor do 25N, Día Internacional contra a Violencia de Xénero.

MOSTRA 'IDENTIDADES LATENTES'
CANDO: 24 novembro ao 6 de decembro 2020
HORA: horario de apertura habitual do museo (Martes a venres: 10-14 e 16 a 19 | Sábados, domingos e festivos: 11-14 e 17-20)
ONDE: sala de exposicións temporais do 1º edificio do Museo do Mar de Galicia
Exposición integrada por unha decena de artistas femininas galegas ou residentes en Galicia que pasean a súa busca artística nas cuestións referidas ás súas identidades: de xénero, culturais, feministas, globais, sociais e individuais.

OBRA DE TEATRO 'SOA'
CANDO: 29 novembro 2020
HORA: 12 h
ONDE: 2º edificio do Museo do Mar de Galicia (Avda. Atlántida, 160, 36208. Vigo
DIRIXIDO A: maiores de 12 anos
ENTRADA: GRATIS. Sen reserva previa e ata completar aforo. Acceso a partir das 11:45

O espectáculo centra a atención na esperanza que ten como protagonista unha muller maltratada física e psicoloxicamente que, pechada na casa polo seu marido, atopa na súa nova veciña unha confidente a quen contarlle a súa historia.

DOCUMENTAL SABERES DE MULLER
CANDO: mércores 25 e venres 27 de novembro 2020
HORA: 17:30
ONDE: auditorio do Museo do Mar de Galicia (Avda. Atlántida, 160, 36208. Vigo)
ENTRADA: GRATIS. Sen reserva previa e ata completar aforo.

Documental dirixido por Omar Rabuñal. A través de entrevistas a 30 mulleres de máis de 65 anos da comarca de Bergantiños e da Costa da Morte para recoller coñecementos, idiosincrasia, características lingüísticas e tradición oral galega.

Todas as propostas están incluídas no Fondo de Proxectos Culturais Xacobeo 2021. Este é un repositorio de contidos creativos de interese cultural en lingua galega creado pola Xunta de Galicia no marco do Plan de reactivación do sector cultural fronte aos efectos derivados da covid-19. O devandito repositorio, integrado por contidos tanto virtuais coma presenciais, así como por outros servizos de materiais e produción, persegue os obxectivos de dinamizar a lingua propia de Galicia, inxectar fondos e apoiar artistas, creadores e empresas do eido cultural no contexto da crise da covid-19 e abrir unha vía para a continuidade, viabilidade e visibilidade da oferta e do consumo de propostas lingüísticas e culturais.