Evento: 42ª Semana Internacional de Cine de Autor de Lugo

42ª Semana Internacional de Cine de Autor de Lugo
luns, 23 novembro, 2020 a sábado, 28 novembro, 2020
Varios espazos
, Lugo

42ª Semana Internacional de Cine de Autor de Lugo

A carteleira exhibe longas e curtametraxes dunha ducia de países, cunha especial atención ao cinema iberoamericano e ao galego

A Xunta de Galicia apoia economicamente a 42ª Semana Internacional de Cine de Autor de Lugo, que pese ao seu adiamento por mor da situación sanitaria, regresará á cita anual co público cinéfilo a través dunha carteleira de máis de 100 longas e curtametraxes procedentes dunha ducia de países. As películas poderán verse en seis espazos da cidade: Auditorio Gustavo Freire, Salón de Actos da Deputación, o Museo e a Biblioteca provinciais, o Vello Cárcere e o Vicerreitorado da Universidade.

Esta 42ª edición articularase arredor de sete seccións, cunha especial atención ao cinema iberoamericano e galego. É o caso das 18 curtametraxes do apartado La otra orilla e dos 10 filmes que compoñen a Sección oficial, entre os que hai producións de Arxentina, Brasil, Ecuador, España, México, Canadá e Croacia, así como as galegas As mortes, en coprodución co Chile, e Eu tamén necesito amar. Pola súa banda, en Cine galego amosaranse 27 longas e curtametraxes, entre as que se atopan títulos como Xoves de comadres, de Noemí Chantada; 16 de decembro, de Álvaro Gago, ou Os prexuízos da auga, de Santos Díaz.

Homenaxes a Luis Tosar e a Benedicta Sánchez
Tamén galegas son as películas que se exhibirán nas respectivas homenaxes que a Semana Internacional de Cine de Autor de Lugo lles renderá a Luís Tosar coa proxección de Quien a hierro mata e a Benedicta Sánchez con O que arde.

Completan a ampla proposta deste ano, para a que a entrada será gratuíta e con límite de capacidade segundo os protocolos de sanidade vixentes, as seccións E para comer Lugo, en colaboración con Galicia Calidade, Cine documental e As curtas cine son.

Máis eventos de tipo Proxección audiovisual

Campo
Uncanny Valley+ Campo+ Si tú lo ves+ The Rise of the Synths
2 de decembro
Centro Galego de Artes da Imaxe (CGAI)
Esencia de muller
2 de decembro
Sede Afundación A Coruña
Cinema Doméstico A Pedáis
2 de decembro
Forum Metropolitano
vitalina varela
Clon de Vitalina Varela
3 de decembro
Centro Galego de Artes da Imaxe (CGAI)