Evento: Concertos 'Mércores de varanda' no Salón Teatro

  • Salón Teatro. Santiago
Concertos 'Mércores de varanda' no Salón Teatro
mércores, 28 outubro, 2020 - 20:30
Salón Teatro
, Santiago de Compostela

Concertos 'Mércores de varanda' no Salón Teatro

Programa musical para conmemorar o centenario do edificio, sede do Centro Dramático Galego (CDG)

O Centro Dramático Galego (CDG) retoma a actividade pública do Salón Teatro co programa musical 'Mércores de varanda', que ofrecerá oito concertos de artistas e grupos galegos entre setembro e outubro para conmemorar o centenario da inauguración deste edificio da rúa Nova compostelá, onde a unidade de produción teatral da Xunta de Galicia ten a súa sede desde 1999.

Todos os concertos terán lugar ás 20.30h e a entrada será gratuíta, previa retirada no despacho de billetes do Salón Teatro desde dúas horas antes do inicio das actuacións e ata completar a capacidade, que nestes momentos está restrinxida a 60 persoas de acordo coas medidas de control sanitario vixentes na cidade.

 

Programa

O gaiteiro Anxo Lorenzo será o encargado de abrir o mércores 9 o cartel. As seguintes citas do mes de setembro serán as protagonizadas por Hugo Franco e Claudia Abril (día 16), Emilio Rúa (día 23) e Xoán Curiel (día 30).

Xa no mes de outubro, será a quenda de Susana Seivane (día 7), Sés (día 14), Dequenvessendo (día 21) e Sofía Espiñeira (28 de outubro).

 

Seis dos devanditos intérpretes chegarán a Santiago a través do Fondo de Proxectos Culturais Xacobeo 2021, unha das novas iniciativas postas en marcha este ano pola Xunta a través do Plan de reactivación dos sectores cultural e turístico fronte aos efectos da covid-19, mentres que Hugo Franco e Sofía Espiñeira forman parte deste cartel como artistas convidados do corworking de emprendemento musical organizado en Padrón pola Fundación Paideia e a Escola de Organización Industrial (EOI).

 

 

 

Máis eventos de tipo Concerto

Abono Festival Elas Son Artistas
3 de xullo a 11 de decembro
Varios Recintos
Cancións da nosa vida
19 de outubro a 14 de decembro
Sede Afundación A Coruña
Gallaecia Big Band coa BMMC
22 de outubro
Teatro Colón
Trío Voluntas
22 de outubro
Auditorio Martín Códax