Evento: A lingua é o color

O pintor José Ramón Morquecho (Pontevedra, 1946) procede dunha familia de artistas. O seu avó era catedrático de debuxo e o seu pai foi tamén un coñecido pintor.

Este creador establecía a súa residencia en Santiago de Compostela na década dos 70 e recolleu durante esa etapa a actividade política e social daqueles anos, con influencias das Pinturas Negras de Goya nos seus traballos onde destaca a figura humana. Na súa traxectoria tamén formou parte do grupo ?Nome? xunto a artistas como María Xosé Díaz, Xan Pardiñas ou Lamela.

Viaxeiro incansable, a mostra recolle os traballos elaborados durante os seus dúas últimas décadas con influencias das súas travesías por Finlandia, Estados Unidos, Berlín (Alemaña) ou Marrocos, onde experimentou un xiro cromático que queda patente nas súas obras máis recentes. A mostra ofrecerá tamén obxectos e elementos sorprendentes do universo creativo do artista.

O artista sinala que a paisaxe forma parte intensa das súas pinturas onde «a miña linguaxe é a cor». A exposición recolle 150 obras de José Ramón Morquecho, a maioría de gran formato. As pinturas aparecerán acompañadas por poemas e fragmentos de textos escritos sobre a produción en relación coa natureza. Ao longo da sala, as persoas que visiten a exposición poderán ver o paso desde o expresionismo ata a abstracción do autor con grandes masas de cor.