Evento: Tríptico da serie “Documentos singulares”

O Arquivo Historico Provincial de Lugo súmase, un ano máis, á celebración da Semana Internacional dos Arquivos, promovida polo Consello Internacional de Arquivos (CIA) baixo o lema: Empoderar Sociedades do Coñecemento.

Nesta ocasión, o documento será un ditame da Sociedade Económica de Amigos do País de Lugo, polo que se propón abrir unha escola de nenas na cidade de Lugo en 1841.

Ademais do tríptico en papel, elaborarase unha versión de menos peso para difundir vía correo electrónico aos arquivos, bibliotecas e museos de Galicia e aos arquivos españois.

O tríptico vai acompañado dun "roller".

Este ano o acto presencial, se substituirá por un breve vídeo de presentación do documento, que se difundirá a través do Facebook do Arquivo.