Evento: Circo del Sol: Corteo

O novo espectáculo do Circo do Sol, 'Corteo', viaxará ás fontes do Sar Multiusos en Santiago no mes de  febreiro.
"Corteo", que significa cortexo en italiano, é unha procesión alegre, un desfile festivo imaxinado por un pallaso. O espectáculo reúne a paixón do actor coa graza e o poder do acróbata para mergullar ao público nun mundo teatral de diversión, comedia e espontaneidade situado nun espazo misterioso entre o ceo e a terra.O pallaso protagonista imaxina o seu propio funeral que ten lugar nun ambiente de entroido, custodiado por anxos gardiáns silenciosos. Xuxtapoñendo o grande co pequeno, o ridículo co tráxico e a maxia da perfección co encanto da imperfección, o espectáculo destaca a forza e a fraxilidade do pallaso, así como a súa sabedoría e bondade, para ilustrar a parte da humanidade que hai dentro de cada un de nós. A música vólvese lírica e lúdica en Corteo trasladándoo a través dunha celebración atemporal na que a ilusión se burla da realidade.O concepto e o deseño do escenario levan ao espectador a unha atmósfera teatral como nunca antes se viu nos espectáculos do Cirque du Soleil. O conxunto de cortinas, inspirado na torre Eiffel e pintado a man, dá unha sensación fantástica ao escenario aportando poesía ao novo espectáculo.
+Info