Evento: Illa Rota - Fotografías de Juan Cancelo

Juan Cancelo formou parte dese reducido grupo de fotógrafos que combinou o seu traballo profesional no xornal coruñés El Ideal Gallego, no que traballou más de medio século, coa devoción pola práctica de fotógrafo como un freelance ou amador que tiña paixón por contar a sociedade en que vivía a través dos ollos dunha cámara.

A narrativa desta exposición está composta por fotos todas elas feitas por Juan Cancelo en diversas épocas, desde a II República ata ben entrado o franquismo. No seu conxunto permiten seguir as mudanzas e problemas da cidade da Coruña, tendo marcado a Guerra Civil un antes e despois na evolución dunha cidade singular no conxunto de Galicia, unha illa rota. A mostra é o resultado dunha coidadosa peneira que levou a cabo o fotógrafo Caruncho e recolle tanto escenas das elites e grupos de poder, como a vida nas rúas, os baños nas praias da cidade, os bailes, o lecer das touradas e dos deportes, e a vida dura das clases populares.