Evento: Herdeiras Trio

sábado, 17 marzo, 2018 - 21:00
Auditorio Municipal de Cangas
, Cangas
Concerto de Carmen Penin sobre a memoria das mulleres

Carmen Penim presenta con Herdeiras un traballo único, que une música, poesía e danza e audiovisual en torno ó tema da memoria das mulleres. Unha valente aposta pola identidade feminina e o rescate de valores como a solidariedade, a conciencia histórica e a reconciliación. Pero a pesar da temática, lonxe de ser un concerto triste, é dunha grande intensidade, vitalidade e emoción. Un verdadeiro camiño dende a escuridade ata a luz. Catarse e esperanza envoltos na mellor música interpretada principalmente por mulleres. No espectáculo proxectaráse a curtametraxe que para Herdeiras fixo a cineasta e académica Margarita Ledo. Os textos son de mulleres poetas actuais e a música é orixinal de Carmen Penim. Nela déixase sentir claramente o jazz, contexto no que ela medrou como cantante, con influencias de músicas do mundo e folk. A música conta tamén con elementos teatrais na interpretación que fan do espectáculo unha experiencia única, inesquecible para o público. Se ademáis se contrata a danza, o concerto gaña en intensidade e en valor artístico. Poucas oportunidades hai en Galicia de atoparse con un espectáculo destas características, tan completo, tan internacional e ó mesmo tempo tan noso. Ademáis, contratar este concerto supón contribuír a que traballos así, que xunguen unha extraordinaria calidade e libertade creadora e o compromiso social, sigan sendo posibles

Máis eventos do ciclo Rede galega de teatros e auditorios

Da avaricia, a luxuria e a morte
14 de decembro, 20:30
Teatro Jofre
Lo nunca visto
14 de decembro, 20:45
Centro cívico cultural
O mundo máxico de Pinocho
15 de decembro, 17:00
Auditorio Lois Tobío
A galiña azul
15 de decembro, 18:00
Aula Municipal de Cultura de Betanzos