Evento: Encontros co Patrimonio cultural: O castelo da Rocha Forte

Este Encontro realízase precisamente polo interese da Asociación Rocha Forte de xerar un debate arredor da problemática actual do castelo e explorar vías na súa xestión futura.

Nel interveñen axentes sociais, culturais ou públicos, desempeñando un papel moi importante na súa xestión o Concello de Santiago de Compostela.

Este Encontro ten como obxectivo facer un percorrido polo labor da Asociación dende a súa constitución até a actualidade, dar a coñecer os resultados das últimas intervencións arqueolóxicas, así como a xestión patrimonial do xacemento.

Pero tamén ten como mirada a confrontación de ideas, o debate aberto e a reflexión sobre a xestión do patrimonio. Para iso contaremos coa presenza de Carlos Delgado Fernández, Suso Noya López, Mª del Mar Bóveda López, María José Bóveda Fernández e Dolores Cerqueiro Landín.
 

Ademais da xornada de debate do xoves, 27 de abril, o sábado 29 de abril terá lugar unha visita guiada ao Castelo da Rocha Forte da man da arqueóloga María José Bóveda Fernández.
 

Máis información e inscrición en: http://consellodacultura.gal/evento.php?id=200570