Evento: 100 aniversario do nacemento de José Luis Sampedro

José Luis Sampedro Sáez, nado en Barcelona o 1 de febreiro de 1917 e finado en Madrid o 8 de abril de 2013, foi un escritor e economista de orixe catalá. Con esta mostra recordamos a súa obra.

En abril de 2009 foi investido como Doutor Honoris Causa da Universidade de Sevilla. En 2010 o Consello de Ministros outorgoulle a Orden das Artes e as Letras de España. En 2011 recibiu o Premio Nacional das Letras Españolas. En 2012 foi nomeado Escritor Galego Universal pola Asociación de Escritores en Lingua Galega.

As súas últimas obras foron as novelas El amante lesbiano (2000) e La senda del drago (2006), e os ensaios Sobre política, mercado y convivencia (2006) e Economía humanista. Algo más que cifras (2009).

A mostra pode visitarse no 2º andar da biblioteca.