Evento: Pontevedra poética

Convidámosche a descubrir Pontevedra desde unha mirada diferente: a da poesía. Nesta ruta literaria percorreremos as rúas, prazas e recunchos máis emblemáticos da cidade, mentres exploramos a súa relación coa palabra poética e cos autores e autoras que se inspiraron nela.

Cada parada será unha oportunidade para escoitar versos que naceron entre as súas pedras, evocar emocións que a paisaxe urbana esperta e recoñecer como a cidade se converte en fonte de creación literaria.

“Pontevedra e poesía” é unha invitación a camiñar cos sentidos abertos, a deixarse levar pola música das palabras e a descubrir a poesía que habita en cada esquina.

Data e hora: mércores día 5, e xoves día 6 ás 17.00 h.

Público destinatario: xuvenil e adulto

Inscrición previa na web na biblioteca a partir do día 31 de outubro