Evento: Club de lectura infantil (3º a 6º de primaria)

Gústache imaxinar, soñar e viaxar a lugares máxicos sen moverte da túa cadeira? Entón este é o teu sitio. No noso Club Infantil de Lectura, os libros serán a porta a mil aventuras, personaxes sorprendentes e mundos por descubrir. 

Cada quincena, reunirémonos para ler xuntos, compartir as nosas impresións e divertirnos con xogos, actividades e pequenas creacións inspiradas nos Libros que vaiamos coñecendo. 

O obxectivo do club é desfrutar lendo, aprender a escoitar aos demais, e descubrir que cada historia pode ensinarnos algo novo. Non importa se xa les moito ou se estás empezando: O importante é ter curiosidade e ganas de pasalo ben! 

Cando: venres alternos de 18:00 a 19:00 h de nov. 2025 a maio 2026.

• 7 e 21 de novembro
• 5 e 19 de decembro
• 9 e 23 de xaneiro
• 6 e 20 de febreiro
• 6 e 20 de marzo
• 10 e 24 de abril
• 8 e 22 de maio

Onde: Espazo multiusos da Biblioteca Púbtica de Pontevedra.

Público destinatario: nenas e nenos de 3° a 6° de Primaria.

Inscrición previa na web da biblioteca a partir do luns 20 de outubro ás 09.00 horas.