Evento: Soledad Vidal & Aurelio Viribay. Cantares atlánticos.

Cantares Atlánticos, é un espectáculo formado por un recital de cámara e videocreación, intepretado pola soprano Soledad Vidal e o pianista Aurelio Viribay, prestixiosos artistas que forman un dúo estable na interpretación de cancións de cámara en galego. 

O seu obxectivo é a difusión deste fermoso e infrecuente repertorio musical composto a partir da poesía galega como única fonte literaria: dende as cantigas medievais ata as recentes creacións de famosos compositores, fascinados polas posibilidades poéticas e musicais que ofrece a lingua galega. Cantares Atlánticos conta ademais cun atractivo compoñente audiovisual: unha videocreación que ilustra e dialoga coas melodías galegas, enriquecendo así o discurso musical.