Evento: A nena e o grilo camiño das cores

A nena e o grilo camiño das cores é unha montaxe teatral de Magín Blanco e Teatro Ghazafelhos xunto á Banda dos Abrazos en directo.

É a última e cuarta entrega da nena e o grilo, o musical infantil máis aclamado do panorama galego que conta con tres espectáculos previos: O País dos Abrazos, A Nena e o Grilo nun Barquiño e A Nena e o Grilo máis aló.

O fío condutor desta cuarta entrega son os camiños, as peregrinacións nas que as camiñantes buscan atoparse consigo mesmos, a vida que avanza e non sabemos onde nos leva. A Nena xunto coa Banda dos Abrazos que a acompaña emprenderá unha viaxe chea de aventuras e sorpresas na que descubrirá que o seu anhelo non é outra cousa que a amizade. Unha nova entrega da saga para público familiar para viaxar ao País dos Abrazos!