Xuan Shao, da Academia ERYA (尔雅东方语言文化中心), Centro de estudios de lingua e cultura oriental en Santiago de Compostela, imparte esta ponencia sobre a cultura e a lingua chinesas.
Salón de actos. Entrada libre ata completar a capacidade da sala.
Conferencia sobre a medicina chinesa a cargo de Fernando Salgado Blanco, Licenciado en Medicina pola USC, especialista en Medicina Chinesa pola Universidade de Medicina China de Beijing e coordinador do Master de Acupuntura da USC.
Debido ao éxito da conferencia sobre medicina chinesa tradicional da edición anterior da Semana da Cultura Chinesa, e da escaseza de tempo naquela ocasión para as preguntas e os comentarios dos asistentes, os coordinadores deste ciclo programan unha intervención máis longa desde as 17.30 h ás 20.30 h cun pequeno descanso as 19.00 h.
Tomando como base as diapositivas do primeiro viaxe a China de Miguel Cortés Hernández (米東方) realizado no 1996, os estudantes chineses, familias de Santiago que viaxaron con posterioridade e cidadáns chineses que viven aquí podemos comentar a vertixinosa transformación nestas dúas décadas do xigante asiático.
Coordinado por Wang Quan (汪泉), Cai Jianxin (佳欣) e Miguel Cortés Hernández (米東方).
Salón de actos. Entrada libre ata completar a capacidade da sala.
Uun grupo de estudantes chineses de intercambio na USC, coordinados por Wang Quan (汪泉), Cai Jianxin (佳欣) e Miguel Cortés Hernández (米東方), nos achegan unha tradición presente en todas as casas, comercios e locais de toda a China durante as festividades, onde se combina a habilidade, a precisión e a creatividade.
Salas de traballo do 3º andar. Diríxese a nenas e nenos de 6 a 16 anos. Precísase inscrición previa, máximo 15 participantes.
Obradoiro de papiroflexia a cargo dun grupo de estudantes chineses de intercambio na USC, coordinados por Wang Quan (汪泉), Cai Jianxin (佳欣 ) e Miguel Cortés Hernández (米東方).
Unha tradición oriental na que a atención, a habilidade e a memoria conxúganse coa creatividade e o entretemento.
Sala Infantil. Diríxese a nenas e nenos de 6 a 14 anos. Precísase inscrición previa, máximo 15 participantes.
Un grupo de estudantes chineses de intercambio na USC, coordinados por Wang Quan (汪泉), Cai Jianxin (佳欣 ) e Miguel Cortés Hernández (米東方) realizan este obradoiro.
Na véspera do día 15 do primeiro mes lunar, festa dos farois en China e todo o Extremo Oriente, construímos dunha forma sinxela e divertida estes elementos tan vistosos e tradicionais, decorados cos carácteres chineses da boa sorte.
María Xosé Martínez e Miguel Cortés Hernández (米東方) aprenden aos nenos e nenas, dunha forma didáctica e divertida, a orixe e o desenvolvemento deste material fundamental para a cultura. Poden coñecer e tocar diferentes variedades de papel, e varias aplicacións deste material, tanto chinesas como occidentais.
Sala Infantil. Diríxese a nenas e nenos de 6 a 14 anos. Precísase inscrición previa, máximo 20 participantes.
María Xosé Martínez Pérez, divulgadora e especialista en procesos artesanais en téxtil e papel, realiza un percorrido pola historia e polos aspectos máis curiosos e interesantes da manufactura deste material, ademais de traer mostras de tecido, casulos, trebellos e utensilios tradicionais para ver e tocar.
Sala Infantil. Diríxese a nenas e nenos de 6 a 14 anos. Precísase inscrición previa, máximo 20 participantes.
José Ricardo Soto Caride, Doutor en Educación Física, defendeu a primeira tese doutoral que se presentou en España sobre Tai-Chi cunha cualificación de sobresaliente cum laude. Ten asistido a numerosos congresos internacionais de Educación Física, en calidade de poñente, coa temática da influencia do Tai-Chi na condición física saudable. Practica artes marciais dende 1970 e é cinto negro 5º dan de WuShu e Tai-Chi. Complementou os seus coñecementos no Mosteiro Shaolín e na Universidade de Educación Física de Beijing, entre outros centros de formación.
Yang Yuguang (杨渝光) é un pintor chinés recoñecido experto na caligrafía e na pintura tradicional chinesa, gañou diferentes premios e medallas en distintas exposicións no seu país.
Será asistido e traducido ao español pola súa esposa Zhang Yang (张 燕).
Salón de Actos, entrada libre ata completar a capacidade da sala.
