Graciano Zoqueiro, trasgo e gaiteiro, descubriu que as árbores facían música. Cando o vento move as ramas nace unha sinfonía, cando cae a choiva nas follas soa un violín, unha gaita… cada vez que un ballón fai danzar aos freixos móntase un espectáculo de ballet.
Duración: 45 minutos.
Idade: desde 3 anos.
Session based on food through several activities: a story-telling, role-plays, a song and a game. // Dedícase a sesión aos alimentos, que se traballarán mediante un conto e a súa teatralización, unha canción e un xogo. Duración: 60 minutos aprox. A partir de tres anos. Inscrición previa.
Hoxe no castelo andan de celebración!. O rei está de aniversario!! . E o cociñeiro Martiño pensa facerlle a súa mellor torta… unha torta de cenorias!!, pero …cando Martiño sae a buscalas … onde están??. Desapareceron!!. Duración: 45 minutos. A partir de 3 anos. Inscrición previa.
Carmeta non está nunca quieta, fala polo día e pola noite, fala cando corre e cando vai en coche. Carmeta é unha nena valente, que ás veces se asusta, unha nena decidida que pasa vergoña, unha nena capaz de comerse sesenta e sete bolos de vento mais un. En fin unha nena como ti. Duración: 45 minutos. A partir de 3 anos. Inscrición previa.
As folerpas de neve cobren a paisaxe e convértena nun precioso manto branco, que non durará moito xa que os nosos animais o cubrirán coas súas pegadas para iniciar unha viaxe misteriosa cara un ano novo. Teremos que acompañar a un exército de pitas que busca vinganza, a unha formiga cantante, a un gato saltarín e a moitos animais máis que nos axudarán a combater o frío e que precisarán da nosa axuda para resolver os seus problemas. Súmate a esta viaxe!
Idade: de 3 anos en adiante.
Duración: 45 minutos.
Obradoiro en inglés para aprender palabras importantes do Nadal (reno, agasallos, boneco de neve) e as principais preposicións de lugar. Cantaranse dúas panxoliñas, Jingle bells e We wish you a Merry Christmas, e realizaranse xogos con cartóns de imaxes.
Idade: de 3 anos en adiante.
Duración: 60 minutos.
Inscrición previa.
Xa chega a noite máis máxica do ano. Polo Nadal as historias enchen a boca de mel e xenxibre. Contos de caixas cheas de sorpresas, viaxes longas e soños inmensos.
Contos salgados, mollados, contos vellos e contos novos, historias de peixes e de quen os pesca, historias das nosas rías e tamén de mares remotos. Mergullarémonos nun mar de historias, nadaremos polas profundidades e sairemos á superficie para coller aire, remataremos salgados e empapados de palabra.
Duración: 50 minutos.
Inscrición previa.
Sesión baseada no mundo circense. Centrarase nas figuras do pallaso, o acróbata e o mago para traballar con verbos de acción en inglés, as cores, as partes do corpo e os animais do circo. Inclúense xogos de rol e coordinación.
Duración: 60 minutos aprox.
A partir de 4 anos.
Inscrición previa.
Se en "Fabrica de contos" dábanos un paseo polo laboratorio da mesma onde se fabrican os contos, esta nova sala lévanos a dar co final dos contos, o verdadeiro final. Que é dos contos unha vez fabricados no laboratorio? De novo estou sen axudantes así que os visitantes a fabríca serán os que se aventuren comigo para tomar a decisión máis importante dos contos... o final. Duración: 45 minutos.
A partir de 3 anos. Inscrición previa.
Aforo: 35 nenos/as.
