Trae un regalo, goza da música e fai feliz a un neno. O vindeiro 3 de xaneiro ás seis da tarde, a Cidade da Cultura acolle unha nova edición de Cancións por regalos, que este ano estará protagonizado por un músico excepcional: Mastretta.
Un escenario, tres comediantes e un mundo onde todo é posible. Esta é a proposta de Al tun tun, unha obra de teatro chea de humor exquisito, absurdo e cun surrealismo delicioso que deixará coa boca aberta a grandes e pequenos.
O musical deste Nadal témolo na Cidade da Cultura. Achégate ao Museo Centro Gaiás e viaxa con Rolf & Flor ao Círculo Polar a ritmo dunha das bandas de música electrónica máis recoñecidas internacionalmente: os cataláns The Pinker Tones. Xuntos viviremos unha grande aventura con estes dous personaxes que, tras coñecerse no Caribe, reencóntranse agora en latitudes máis frías para visitar heisers, ver baleas, deslizarse en trineo e ata marabillarse coa aurora boreal.
