Nova: López Campos salienta o festival ‘Primavera Voces Xoves’ como “cita ineludible para a música coral en Galicia”

Lugo, 21 de marzo de 2026

O conselleiro de Cultura, Lingua e Xuventude, José López Campos, asistiu hoxe a Primavera Voces Xoves, o festival que se celebra ao longo da tarde de hoxe e no que participan as formacións Coro Xuvenil de Lugo, organizador da cita, o Minicoro da Esmuvi de Vilalba, o Coro Xuvenil Sauti Yangu de Guntín e o Xove Coro de Lugo.

Neste senso, o representante de Cultura do Goberno galego, acompañado polo delegado territorial da Xunta en Lugo, Javier Arias, e a directora xeral de Xuventude, Lara Meneses, destacou “o apoio continuado da Xunta de Galicia a esta iniciativa que busca impulsar esta especialidade musical e crear novos públicos”. Así mesmo, puxo en valor a importancia desta cita para a música coral e para o fomento da nosa cultura en todos os eidos, nomeadamente entre os máis novos.