Evento: Salvador Sobral

O corazón -ferido e sanado- de Salvador Sobral (Lisboa, 1989) segue bombeando música con sentimento. O seu bpm -unha unidade de medición do seu estado de saúde-, que é como titulou o seu último traballo discográfico, é sanitariamente óptima e musicalmente fantástica.

Renovada. A música de Salvador Sobral ten nova identidade. Novas atmosferas. Nova cor. Por primeira vez, inclúe a guitarra. Pero as emocións permanecen. As súas cicatrices da alma -e ata as físicas, borrosamente albiscadas na portada- seguen punzando un disco emocionante no que o cantante e compositor ispe os seus medos, os seus anhelos, as súas alegrías.