Evento: Unha Ponte coa Lusofonía II

O próximo xoves 3 de novembro, Abella Producións vai poñer en marcha a segunda edición do proxecto Unha Ponte coa Lusofonía II, unha programación cinematográfica coa que achegará ao Centro Cultural Camões de Vigo curtametraxes e longametraxes de recente produción de Portugal, Brasil e Galicia.

A mostra trae a Vigo producións da XV edición do proxecto Novocine, da Embaixada de Brasil en España, como a película brasileira Sertânia , o filme foi o último traballo dirixido polo cineasta Geraldo Sarno que faleceu en febreiro deste ano. O filme ambientado no Nordeste brasileiro, con fotografía en branco e negro, mostra a relación entre a vida e a morte, narrado como un western tropical . A mostra tamén proxectará a premiada curtametraxe Portugal Pequeno, de Victor Quintanilla, sobre o soños e conflictos dun mozo da periferia do Rio de Janeiro.