Evento: XXIV Encontros para a Normalización Lingüística

O Centro de Documentación Sociolingüística do Consello da Cultura Galega, co apoio da Secretaría Xeral de Política Lingüística, organiza a XXIV edición dos Encontros para a Normalización Lingüística.

Nova edición deste evento pensado para o debate arredor de temas en relación coa situación presente e futura da lingua galega. Nesta cita, que fai o número vinte e catro, o tema que nos convoca é "Arte e lingua como ferramentas de construción masiva".

Este ano, o evento quere abrir un debate coas creadoras e creadores artísticos do país co ánimo de tecer redes no sector e potenciar a lingua de xeito cooperativo, posto que, como poñen de relevo as últimas tendencias, confiamos no potencial das artes para exercer de elementos normalizadores.