Evento: Verán no Gaiás 2022 | Camiños de mar, terra e vento. Paula Carballeira

Volve o Verán no Gaiás cun feixe de actividades para gozar do bo tempo e o lecer en familia, mesturando creatividade e diversión e fomentando que nenos e nenas exploren xuntos, e en convivencia coas persoas adultas, aspectos como a creación e as artes plásticas, os contos, a música ou a imaxinación.Camiños de mar, terra e vento. Paula Carballeira Neste espectáculo para público familiar, a contadora e actriz Paula Carballeira levaranos a un percorrido acugulado de máxicas andanzas polos camiños da terra --por onde vai quen quere, lonxe e amodiño, atopando aventuras e novos amigos-- polos camiños do aire --por onde vai quen adiviñou como voar, sexa coa axuda de paxaros, alfombras, vasoiras ou voadas de aire-- e polos camiños da auga --por onde vai quen agarda atopar illas misteriosas, sereas e a música das olas--.
+ INFO