Evento: Tic Tac, el héroe del tiempo

Cada mañá, Tic Tac,  un antigo  reloxo espertador, dá corda á súa entrañable colección de reloxos en cuxo interior  se atesouran e resgardan momentos felices.

Repentinamente, verase ameazado ao recibir un tentador obsequio do ambicioso Wifi, un modernísimo  teléfono, que detrás da  súa inocente aparencia, oculta intereses perigosos  que  complicarán a súa existencia.

Tic Tac, o heroe do tempo, é o novo  espectáculo sen palabras, do titiritero  Omar Alvarez,quen, combina delicados monicreques creados a partir de obxectos cotiáns, con proxeccións realizadas en stop-motion ( técnica de animación  fotográfica, cadro por cadro), propoñendo unha romántica  aventura chea de emoción, humor e poesía visual, que cativará a públicos de todas as idades.