Evento: Algún sitio ao que voltar

Cousas. Tentar cousas novas. Tentar cousas novas e refugalas. Calibrar. Comparar. Quitarnos de no medio co corazón cheo de desprezo cara ao que nos rodea e á vez vencidos e seducidos por este mundo brillante e ficticio que oculta unha monstruosidade inexplicable. A ese mundo repugnante entregamos as armas. E rendidos emprendemos viaxe a algunha fronteira. Afastada e descoñecida. Quizá a festexar o coñecemento adquirido nesta viaxe sen sentido.Ou a festexar esta derrota grandiosa e sen paliativos. Ou a festexar ambas as cousas á vez. Ou festexar sen motivo algún. Ou a repensalo todo nese territorio fronteirizo e difuso co mesmo desenvoltura e entusiasmo con que empezou esta desastrosa viaxe. Estamos dispostos a desempoar as antigas ideas. As palabras abandonadas nos recunchos. Algúns desexos refugados. E tendelo todo ao sol. Aventarlo todo. Sen finalidade algunha. Sen xeito nin dereito.