Evento: Matinais Musicais: Quinteto de Metais da Orquestra Sinfónica de Galicia

Continuando coa liña instaurada polas Matinais Clásicas no pasado 2020, este outono iniciamos un novo ciclo musical que levará á realización de tres actuacións nos meses de novembro e decembro.

Nesta volta, contaremos coa colaboración da Orquestra Sinfónica de Galicia, que a través da súa Brass Band e do Coro, traerán Jazz e música a capella ao Museo Centro Gaiás os días 14 de novembro e 12 de decembro respectivamente. Para completar o ciclo, propoñemos unha residencia artística, que terá como froito unha peza de nova creación que se poderá ver o domingo 21 de novembro.

O primeiro dos concertos será ofrecido polo quinteto de metais da Orquestra Sinfónica de Galicia centrando o repertorio escollido na música do S.XX e XXI. O concerto ofrecerá ademais dúas estreas dos compositores galegos Roberto Somoza e Nani García.