Evento: Visita arquitectónica á Cidade da Cultura

Unha descuberta diferente do Gaiás para abraiarse cunha breve panorámica da súa arquitectura, coñecer as liñas mestras do proxecto, así como os principais usos e fitos do complexo e as claves do seu funcionamento. Visitaremos o espazo multiusos no andar -1 do Museo Centro Gaiás e tamén a espectacular galería de servizos subterránea, que comunica o subsolo de todos os edificios.

Non faltará neste percorrido un petisco dos espazos exteriores, que nos levará desde o Xardín do Teatro, con especies botánicas procedentes de diferentes partes do mundo, á monumental praza central vista desde a porta do Museo Centro Gaiás.