Unha homenaxe de Armand Rovira e Saida Benzal non tanto ao cineasta da Factory neoiorquina como ao seu legado inmaterial, en cinco historias excéntricas e cegadoras. O xoves 16 o director Armand Rovira e o produtor Jorge Vidal presentarán a película.

Como membro de honra da Factory xunto a Andy Warhol, o excéntrico Paul Morrissey marcou a unha xeración de artistas alternativos modernos, rebeldes, inclasificables. Aqueles que aprenderon no marco da contracultura que o cinema non ten por que axustarse a convencións, nin da arte canónico nin da vida mesma. Así se entende mellor tamén 'Letters to Paul Morrissey', unha carta colectiva de amor ao artista (sen expectativas de que responda) e o seu influente legado a través de cinco historias individuais, cheas de medos e problemáticas sentimentais, que se apoian na idea de Morrissey case como unha conciencia invisible.

Rovira lánzase á tarefa de filmar cinco historias de ficción para envialas a Paul Morrisey, director de cinema, colaborador de Andy Warhol e representante da Velvet Underground. Usando unha cámara de 16mm e unha fotografía en branco e negro, reúne unha serie de misivas desde distintas partes do mundo e de personaxes dispares.