Evento: Conversas con Álex Rin e Joan Mir

Álex Rins comezou a pilotar con apenas seis anos. En 2012 desembarcou no Mundial de Moto3 da man do Team Estrela Galicia 0,0, e mostrou escintileos da súa calidade xa no seu segundo GP en Xerez, onde se adxudicou a pole. En Le Mans e baixo unhas duras condicións, confirmou o seu talento ao conseguir o seu primeiro podio mundialista tras saír desde a 26ª posición. Concluíu a campaña en 4ª posición, adxudicándose ademais o trofeo de Mellor Novato do Ano.

En 2013 conseguiu seis vitorias e cinco podios, para loitar polo título ata a última curva da última carreira, cando foi superado por Viñales. En 2014 logrou o terceiro posto no Campionato Mundial de Moto3.

En 2015 dá o salto a Moto2, logrando a segunda posición e conseguindo o premio ao Rookie do ano, acumulando 2 vitorias, 10 podios e 3 poles na súa primeira tempada na categoría intermedia. 

En 2017 debuta en MotoGP e comeza a demostrar o seu talento loitando cos primeiros.

Neste 2019 conseguiu a súa primeira vitoria no mundial na terceira carreira do campionato, promete estar entre os primeiros e optar a loitar polo título final na categoría reina.

Joan iníciase en motociclismo con 10 anos. Proclamábase campión balear en distintas categorías de minimotos e minimotard. En 2013 era o único piloto español seleccionado para participar na Red Bull MotoGP Rookies Cup, na que logrou ser subcampión. 

Durante a tempada 2015 corría co equipo Leopard Racing no FIM CEV Repsol e ao mesmo tempo, substituía a Hiroki Ono por lesión no GP de Australia do Campionato do Mundo de Moto3. 

A tempada 2016 supoñía a súa primeira tempada completa Moto3. O seu momento destacado chegaba coa súa vitoria no GP de Austria desde a pole.

En 2017 repite equipo, pero esta vez ao manillar dunha Fonda: o balear realizou unha tempada espectacular e levou o campionato do mundo en Australia. Este título permitiulle ascender a Moto2 en 2018 co equipo Estrela Galicia 0,0-Marc VDS.

Este 2019 dá o salto ao Campionato do Mundo de MotoGp da man de Suzuki.