Evento: Festa do Caldo Galego de Mourente

Festa do Caldo Galego de Mourente
sábado, 9 marzo, 2024 a domingo, 10 marzo, 2024
Mourente (Santa María),
Pontevedra

Festa do Caldo Galego de Mourente

Festas de Galicia de interese turístico

Esta é unha festa gastronómica que se vén celebrando durante 27 anos ininterrompidamente e está organizada pola asociación de veciños O Castro na parroquia de Mourente, en Pontevedra.

Celébrase esta Festa do Caldo sempre o segundo domingo de marzo e son instaladas grandes carpas xunto con mesas e cadeiras para a comodidade dos que se acheguen a festa. O caldo sérvese nunha cunca serigrafada e pódese repetir gratuitamente (invítase a unha cunca de caldo a todos os peregrinos acreditados do Camiño de Santiago que pasen pola festa).

Ao mediodía procédese á lectura do pregón por unha persoa recoñecida no ámbito da cultura e ao desfile de confrarías gastronómicas invitadas. Ao terminar haberá actuacións musicais de grupos folclóricos de Galicia e Portugal e visita ao monumento ao caldo.

Todos os anos impóñese un pote de prata a unha persoa homenaxeada da parroquia. A Orde do Caldo que está formada por 140 confrades que promocionan e defenden o caldo por onde pasan, podendo pertencer a esta orde os que o desexen.

Os ingredientes que leva o noso caldo galego son: auga de calidade, carne de tenreira, de porco, como costela salgada, cacheira, lacón, touciño entrefebrado, chourizo, galiña e unto (indispensable para facer un bo caldo). 

As verduras e legumes que leva son: grelos, repolos do país, a pataca fariñenta e as fabas, que son tamén indispensables no caldo.

Destacado:

Degustar o caldo na carpa co acompañamento da música tradicional.

 

Máis eventos de tipo Festa/Feira popular

Mostra do Aceite de Quiroga
21 de abril
Muíño de Bendilló
Festa da Lamprea
26 de abril a 28 de abril
Varios espazos
Festa da Troita
30 de abril a 1 de maio
varios espazos