Evento: ELE (Elena Iturrieta)

O sorprendente debut de ELE (Elena Iturrieta) con Summer Rain (ArcadiaMusic, 2015) trouxo consigo un gran éxito de crítica e público que á súa vez derivou nunha xira homónima por máis de 75 teatros de toda España, ademais dunha participación no festival SWSF de Austin (Texas) en 2016.

Abril de 2018 é a data elixida para lanzar o seu segundo traballo baixo o título What Night Hides, gravado no mítico estudo 2 de Abbey Road (Londres) e de novo con Pablo Cebrián á produción.

Percorrer os camiños polos que transita What Night Hides é unha experiencia hipnótica, intensa, reveladora e repleta de matices e imaxes que nos transportan, como unha desas películas nas que un queda sentado no cinema despois de que a pantalla se vaia a negro.