Evento: Poesía e Mar

Poesía e Mar é un ciclo de obradoiros que empregan o mar como nexo común para achegarse á poesía.  

O primeiro dos obradoiros terá lugar o sábado 20 de outubro na Capitanía Marítima de Baiona e estará impartido por Marta Dacosta; o segundo terá lugar o 27 de outubro no Museo da Salgadeira no Grove e correrá a cargo de Antonio García Teijeiro; e o terceiro será o 10 de novembro no Estaleiro de Purro de Bueu e será impartido por Miriam Ferradáns. 

Para participar nestes obradoiros, que son independentes entre si, as persoas interesadas deben inscribirse no enderezo oficina@aelg.org ou chamar ao teléfono 981 133 233 en horario de mañá.