Evento: Proxecto Noé

Elenco: Elena Seijo, Fernando Dacosta e Sabela Gago

-Eu non quero ter uns amigos que me asusten. Eu non creo que o do diluvio sexa certo- di o pingüín pequeno mentres pisa o chan con forza-.Inventástelo  só para asustarme e non necesito ningunha arca e tampouco a  vós! 

Tres pingüíns, o diluvio universal e dous únicos boletos para a arca de  Noé son os elementos desta historia narrada cunha linguaxe sinxela e contundente. 

Os pingüíns reflexionan sobre  a natureza e sobre o valor da amizade: como facer para salvarse os tres cando só teñen dúas pasaxes? Cando está permitido e cando non romper as regras? Cales son os motivos que xustifican facelo?