Evento: Mariza

Mariza é a gran embaixadora contemporánea da música portuguesa, a voz que fixo do Fado o seu cartón de presentación e o traballo da súa vida, pero nunca se limitou a un só xénero.

En 2001 converteuse nun fenómeno mundial co seu álbum debut Fado em Mim, e este ano trae o seu último disco Mariza,  unha sedutora mestura entre o clásico e o moderno, o pasado e o futuro. 

Jorge Fernando, Mário Pacheco e Tiago Machado, que colaboraron con Mariza desde os seus inicios, tamén contribuíron coas súas achegas a este disco. Pero tamén o fixeron estrelas de música urbana e africana como Matias Damásio e  Héber Marques, entre outros, ou cantautores pop como Carolina Deslandes.