Evento: Pequefilmes

sábado, 14 xaneiro, 2017 - 11:00 a domingo, 15 xaneiro, 2017 - 21:30
Museo Centro Gaiás
, Santiago de Compostela

Pequefilmes

Festival infantil de curtas

A Cidade de Cultura de Galicia organiza o festival infantil de curtas ‘Pequefilmes’, dirixido a rapaces de entre 5 e 12 anos. Un total de 40 curtametraxes proxectaranse durante estes dous días no Museo Centro Gaiás, no que tamén se levarán a cabo unha serie de obradoiros formativos cos que os cativos descubrirán de primeira man o funcionamento do cine de animación.

Procedentes de todas as partes do mundo, o cartel deste mini-festival conta con curtas recoñecidas nos máis prestixiosos festivais como a noruega ‘Me and my Moulton’, nominada aos Oscar 2015; ‘Juan y la Nube’, Goya á Mellor Curta Animada; ‘The empty’, Gran Premio en Hiroshima e Seúl; ‘Trial & Error’, Platinum Remi Award no World Fest de Houston; ou ‘Pawo’, Mellor Película Infantil en Brasilia Animation Festival 2015. Ademais, o festival contará con varias curtas realizadas e producidas en Galicia.

Curtas internacionais con múltiples recoñecementos

Tras o visionado das curtas, o público poderá, ademais, valorar o filme, de xeito que ao final do festival se concederá un premio ás curtas que máis gustaron. Deste xeito, ‘Pequefilmes’ pode supoñer unha primeira experiencia como espectador de cine crítico e curioso, que xere afección de cara ao futuro.

As proxeccións do ‘Pequefilmes’ terán lugar de 11:00 a 13:30 e de 16:00 a 21:00 horas o sábado 14 de xaneiro e de 11:00 a 13:30 o domingo, 15 de xaneiro. A entrada é libre e de balde ata completar aforo.

Xunto ás proxeccións, ‘Pequefilmes’ ofrece un total de catro obradoiros formativos cos que os cativos poderán descubrir o funcionamento do cine dunha forma lúdida e práctica ao mesmo tempo.

Son os obradoiros de Stop Motion en Cartolina, o de Mesa de Luz, o de Stop Motion en Plastilina e outro de Sonorización. Os obradoiros terán lugar en varias horas ao longo da fin de semana para facilitar a participación de máis nenos, que deberán ir acompañados dun adulto.

Os obradoiros teñen unha entrada de 3€ cada un (4€ en billeteira), que xa están á venda no Museo Centro Gaiás, ataquilla.com (+gastos de Xestión) e nos puntos de venda físicos de Ataquilla. Os obradoiros contan con descontos e promocións especiais que poden consultarse en cidadedacultura.gal.

Máis eventos de tipo Festival

Cineuropa31
#Cineuropa31
7 de novembro a 28 de novembro
Varios espazos
XIII Festival de Títeres María José Jove
XIII Festival de Títeres María José Jove
26 de decembro
Fundación María José Jove
XIII Festival de Títeres María José Jove
XIII Festival de Títeres María José Jove
26 de decembro
Forum Metropolitano