Evento: As Lagharteiras

As Lagharteiras son un grupo de mulleres pandereteiras cunha ampla traxectoria no eido da música tradicional, que unen os seus coñecementos para por en marcha un proxecto de dignificación e revalorización do patrimonio cultural galego.

O obxectivo desta asociación cultural que xermola alá polo 2007 é o de reunir, conservar e divulgar as músicas, cantos, instrumentos e vestiario que viran ao redor do folclore tradicional galego. Sen esquecer o traballo de campo que as leva a afondar nas raíces da música e da cultura tradicionais de Galicia para obter o legado cultural que durante séculos foi transmitido oralmente.
Constituídas como asociación cultural folclórica no 2010 o seu domicilio está establecido en Mos, onde fai vida o seu director, Carlos Álvarez.