Evento: Mr. Shosuke Ohara

Sugimoto Saheita, un prominente terratenente rural cunha longa e prestixiosa liñaxe familiar, vive a súa vida como unha figura dunha canción do folclore xaponés, Ohara Shosuke-san: levántase tarde, bebe pola mañá e é descoidado co diñeiro. Mr. Shosuke Ohara pode parecer unha máis das moitas películas da época onde se promovían políticas de democratización durante a ocupación por parte dos aliados, pero Shimizu co seu humanismo luminoso convértea nunha historia conmovedora, chea de calidez e humor, e marcada por un ton moi desenfadado na que destaca como aproveita ao máximo a interacción dos personaxes cos escenarios e a riqueza das paisaxes.

Foto © KOKUSAI HOEI