Evento: Introspection Tower

Baseada na novela de Toyoshima Yoshio composta polas notas escritas por Kumano Ryuji, xefe dunha institución para mozos delincuentes, Instrospection Tower é unha película raramente producida por un estudio na súa época, mostrando un problema social mediante un estilo documental. Nesta singular película Shimizu fálanos, desde o seu amor á infancia e o seu particular optimismo, dunha escola onde máis de 200 nenos con necesidades especiais viven en varias casas construídas nun extenso campus. A cada un asígnaselle un mestre e un coidador aos que se lles chama "Mamá" e "Papá", cos que a escola busca integralos nun ambiente familiar, brindándolles desde educación básica ata formación profesional sinxela.

Foto ©1941 Shochiku Co., Ltd