Evento: O proceso

En 1880, o bispo de Ourense denuncia a Curros Enríquez por uns poemas do seu libro Aires da miña terra, un dos piares do Rexurdimento galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado. A partir destes feitos históricos, Cándido Pazó constrúe unha peza teatral que, en ton de sainete cómico protagonizado por unha galería de personaxes populares do Ourense de finais do XIX, aborda con frescura e desenfado, pero con rigor e reflexión, a cuestión do hoxe en día chamado lawfare, así como outros temas (a lingua, a cultura, a identidade...) que seguen vixentes na actualidade.

Autoría: Cándido Pazó

Dirección: Cándido Pazó

Elenco: Jouse García, Marcos Orsi, Paula Pier, Xoque Carbajal

Escenografía: Pablo Giráldez "O Pastor"

Iluminación: Alfonso Castro

Vestiario: Diego Valeiras

Música: Guillerme Fernández

Duración: 75 minutos