Evento: Caída libre para persoas con vertixe

A teoría da caída libre é a excusa perfecta para colarse no universo relacional das dúas protagonistas. Un abano de bucles tanto físicos como emocionais guiados polas evidentes carencias propias que as levan a expresar o amor da forma máis inevitablemente torpe e sinceira. A impotencia de non saber como soster a relación tradúcese en palabras acrobáticas que se contradín con cariño e agresividade. Onde os corpos se comunican a través das caídas dentro do vaivén de fina liña entre o cotiá e o absurdo. Un paracaídas podería salvalas da caída libre? Ou simplemente a faría máis longa?

Compañía: Bragacadavra