Evento: Redescubrindo Ourense: O Ourense Medieval

Camiña polo Ourense de bispos e señores, ben e mal levados, de tecelás, artesás e gremiantes, de xente viaxeira e revoltosa. Desta volta percorreremos un Ourense que aínda resoa na actualidade a través dos monumentos que aínda nos acompañan, e nas xentes que vivimos na cidade. Mil anos de historia, desde a chegada dos suevos até o paso da Idade Media á Moderna, en que Europa transitou desde o extinto Imperio Romano á configuración dos estados modernos, xermolo da actual estrutura xeopolítica. Mil anos de historia nos que Ourense foi parte activa durante momentos chave.

Con este roteiro queremos dar a coñecer o Ourense medieval, fosilizado no trazado urbano da súa zona histórica, trascendendo o mero percurso por elementos arquitectónicos e monumentos e falando das persoas que habitaron a cidade nese momento.

A saída será dende o Instituto Otero Pedraio. 

As prazas son limitadas polo que é necesaria a inscrición previa que pode facerse dende o venres 14 de novembro no números de teléfono: 988 788 385 /386