Evento: Redescubrindo Ourense

Descubre Ourense a través das páxinas de "A Esmorga", a obra mestra de Eduardo Blanco Amor.

Nesta ruta literaria mergullámonos nos escenarios da novela, recreando a viaxe nocturna de Cibrán, Bocas e Milhomes polas rúas e recunchos da cidade.

Un percorrido que conecta a ficción coa realidade, desvelando as claves culturais, sociais e urbanísticas do Ourense que inspirou ao autor.

 Obxectivo: Pór en valor o patrimonio literario de Ourense, conectando os lectores coa cidade a través dunha das obras máis emblemáticas de Galicia.

 Qué atoparás nesta ruta?

● Os espazos da novela: Pasearemos polos lugares que serven de escenario á narración, como a Fonte do Rei ou a canella de Pena Vixía, recoñecendo as súas transformacións ao longo do tempo.

● O Ourense de Blanco Amor: Analizaremos como o autor retrata a cidade, cunha visión crítica e ao mesmo tempo profundamente lírica, reflectindo as súas luces e sombras.

● Literatura e identidade: A ruta tamén afonda no simbolismo e na riqueza lingüística da obra, un verdadeiro retrato da alma galega.

● O legado de Blanco Amor: Descubriremos detalles sobre a vida do autor, a súa relación coa cidade e a importancia de A Esmorga como unha obra pioneira na literatura galega contemporánea.

Únete a este percorrido para experimentar Ourense como nunca: entre a realidade e a ficción de "A Esmorga".

Para asistir é necesaria a inscrición previa que pode facerse dende o venres 17 de outubro ben presencialmente ou chamando aos números de teléfono : 988 788 385 / 386