Evento: Redescubrindo Ourense. Ourense antigo

Un percorrido polos primeiros tempos de ocupación do espazo da cidade.

Ourense antes de Ourense. Ao longo do roteiro descubriremos a importancia de Ourense como punto de paso do río Miño, tanto como vao natural en determinados momentos do ano como posteriormente mediante a ponte construída no século I, como no aproveitamento das súas augas termais.

Exploraremos tamén as hipóteses sobre a orixe etimolóxica do nome da cidade, e a súa relación cos poboados castrexos daquela altura.

Obxectivo: Achegar as persoas usuarias ás orixes da cidade de Ourense de xeito ameno e didáctico sen menoscabo do rigor nos contidos.

 Qué atoparás nesta ruta?

● A orixe da ocupación humana no val do Miño ao seu paso por Ourense.

● O topónimo de Ourense, entón, vén de ouro?

● O desenvolvemento dos primeiros poboamentos durante a Idade do Ferro chegando á incorporación do territorio ao Imperio Romano.

● O Ourense de época antiga, e a súa importancia estratéxica como punto de paso do río Miño.

● Unha hipótese de como era ese Ourense galaico-romano e os avatares da súa historia.

● Os ecos dese pasado de máis de dous milenios no Ourense actual. Vamos viaxar uns cantos séculos no pasado para descubrirmos os primordios da nosa cidade.

Para asistir é necesaria a inscrición previa que pode facerse dende o venres 17 de outubro ben presencialmente ou chamando aos números de teléfono : 988 788 385 / 386