Evento: XX Xornadas Mar por Medio

A Secretaria Xeral da Lingua colabora coa Academia Xacobea e mais co Concello de Ribadeo na vixésima edición das Xornadas Mar por Medio, que acollerá a vila mariñá dos días 19 a 21 de setembro de 2025. Baixo o lema “Ribadeo, encontro de Camiños”, a cita reunirá a persoas expertas e público arredor do Camiño de Santiago e dos valores culturais que o acompañan, con mesas redondas, conferencias, actividades culturais e un roteiro guiado.

A programación desenvolverase no Salón de Alcaldes do Concello de Ribadeo, baixo inscrición previa, e incluirá tamén concertos e actividades abertas á cidadanía. O programa completo pódese descargar aquí.