Evento: Charlatán Rodríguez

Charlatán Rodríguez
xoves, 14 agosto, 2025 - 20:00
Campo de San Francisco,
Ribadeo

Charlatán Rodríguez

Espectáculo de teatro a cargo de Rendos Pequeno

Un charlatán chega á vila coa súa lingua afiada, os seus instrumentos afinados e seu posto de venda ateigado de remedios para todos os males.

Armado de retranca e coa sabedoría que dá percorrer todos os camiños, será quen de vender ao público menciñas que non necesitan a prezos que non poden pagar, cun catálogo infinito de solucións inútiles para problemas inexistentes, laretadas baleiras, melodías inventadas, pequenas grandes ilusións e contos de impostor. Porque o noso protagonista sabe sempre o que a xente quere escoitar.

Dirixido por Fran Rei, Félix Rodríguez mestura nesta súa primeira montaxe música, comedia, maxia e moita participación, nun espectáculo para todos os públicos.

Non se deixen confundir: moinantes hai a moreas, pero ninguén engana co humor, o ritmo, a empatía e a arte de Charlatán Rodríguez. 

Máis eventos do ciclo Cultura no Camiño

Un soño é…
31 de agosto, 12:00
Pazo de Mos - Mos - Pontevedra
A filla do cacharulo
31 de agosto, 20:00
Praza de O Regueiro - A Illa de Arousa - Pontevedra