Evento: Scriptorium

Presentamos o obradoiro “Scriptorium”, que comezará analizando o seu significado, a importancia dos códices e a súa historia. Tamén falaremos do seu método de elaboración e instrumentos de traballo ata o lugar onde se sentaban para realizar este duro traballo: o banco do copista. Amosaremos os distintos elementos decorativos do códice e falaremos dos instrumentos básicos para a encadernación dos códices. Poderán participar no obradoiro didáctico que pretende converter aos/ás participantes en pequenos/as copistas e iluminadores/as por un día. Tamén se contarán curiosidades, segredos e anécdotas ocorridas na realización destes códices.

Data e hora: xoves 31 de outubro ás 18:00 horas

Público destinatario: infantil de 8 a 12 anos

Inscrición previa na web da biblioteca  a partir do día 22 de outubro ás 09:00 horas.