Evento: Alexander Abreu & Havana D’Primera

Coma peche do festival maré, que volve a Compostela do 20 ao 24 de setembro, Alexander Abreu y Havana D’Primera despedirán esta edición na Sala Capitol tras publicar o seu último disco «Será Que Se Acabó», nominado aos Grammys Latinos 2022, unha homenaxe á música popular cubana dos anos 80 e 90.
Havana D´Primera é unha banda de timba cubana fundada por Alexander Abreu no ano 2007. Foi formada por un colectivo de músicos de primeira liña do panorama musical cubano, con 16 membros en total. Dende os seus inicios foron a buscar o éxito internacional. O líder e compositor xefe Abreu, destacou pola súa «voz melódica altamente sofisticada» e como «instrumentista hábil que fixo unha carreira fusionando ritmos entre salsa, jazz, funk e afrocubano».