Evento: L Festival de Música: Iria Folgado

Iria Folgado Dopico naceu en San Sadurniño, Galicia, en 1996. Inicia os seus estudos á idade de 9 anos no Conservatorio Profesional de Música Xan Viaño en Ferrol e cursa dous anos de Especialización Instrumental na Escola de Altos Estudos de Santiago de Compostela con Christina Dominik. Ao mesmo tempo, tomará clases regularmente co solista de oboe da Sinfónica de Galicia, Casey Hill. Realiza os seus estudos superiores de música na Hochschule für Musik Hanns Eisler co profesor Dominik Wollenweber, para a que foi bolseira por concurso, pola Deputación provincial da Coruña en 2014 e 2017, coa bolsa Alexander von Humboldt Foundation en 2015 e coa bolsa de Excelencia Musical do Consorcio da Promoción da Música da Coruña en 2016 e 2018.