A sexta edición de Cultura no Camiño desenvolverase do 16 de abril ao 30 de setembro nun total de 103 concellos situados nas diferentes rutas xacobeas de Galicia.
O programa xurdido ao abeiro da conmemoración do VIII Centenario da Peregrinación de San Francisco de Asís a Compostela desprega unha carteleira de 342 actuacións escénicas e musicais, protagonizadas por 146 formacións artísticas galegas. Artículase como un circuíto de espectáculos que ademais de contribuír á descentralización da oferta cultural, amplía as posibilidades de distribución do teatro, a música, a danza, a maxia e o novo circo producidos de maneira profesional na nosa Comunidade.
Espectáculo que inclúe manipulación de obxectos e participación do público.
Divídese en tres historias baseadas en feitos reais, protagonizadas por animais: un porquiño pintor, un corvo músico e a tartaruga mais vella do mundo.
Leo é o león máis curioso de toda a selva, por iso, un día decidiu ir a dar un paseo polo bosque.
Camiñando atopouse cunha bolbotera, un paxaro carpinteiro e ata con ras! Cada folla, cada poza e cada animal fai un son diferente.
Será capaz Leo, coa vosa axuda, de descubrir toda a música que hai ao noso redor?
Jaime era un neno de oito anos que devecía por facer deporte. Encantáballe o fútbol. Era o mellor xogador de todo o cole, ata que tivo que mudarse a Revelandia coa súa familia. Neste novo país descubriu que falaban un idioma extraño, tiñan unhas normas extrañas, e unha forma de xogar ao fútbol moi extraña. En Revelandia todas as
deportistas famosas eran rapazas. Rapazas! Jaime non sabía que facer, era o único rapaz anotado en fútbol. Axudádesnos a descubrir Revelandia?
Acompañádenos nesta aventura!
Con fío, agulla e dedal enfíame un conto xa! Comezamos a viaxe nun taller de costura, un lugar máxico aos ollos da nena protagonista que escoita contos, coplas, cancións en boca da súa avoa, nai e tía mentres traballan. Contos tan antigos como o oficio da costura. Puntada a puntada percorreremos mundos onde os fíos falan, as caixas de costura abren as portas da fantasía e os bastidores de bordar son ventás onde asomarse a historias prohibidas. Neste espectáculo atoparemos narración oral, música, teatro de obxectos e pezas enlazadas polas coplas do Cancioneiro da Agulla.
Espectáculo de contacontos. con máxia, monicreques diversión e moito mási.
Onde os libros as histoiras e os animais, ¡e que animais! son protagonistas
Espectáculo de contacontos, con monicreques, maxia, animación e sorpresas.
Enfocado no mundo dos libros, a súa maxia.
É unha proposta moi divertida, participativa, amena, participativa e educativa.
EXPECTÁCULO DE MAXIA CÓMICA.
ILUSIONISMO PARA DISFRUTAR TODA A FAMILIA, CON NÚMEROS SORPRENDENTES,O HUMOR E A PARTICIPACIÓN DOS PEQUEN@S E MAIORES ESTÁ GARANTIZADA EN TODO MOMENTO. PREPARADOS PARA ENTRAR NUNHA EXPERIENZA INOLVIDABLE?. VEN A LUSIONARTE.
Están as noveliñas de vaqueiros. Eses clásicos libros finiños da colección ESTEFANÍA. Están os westerns do cine, que chegaron a nós excelentemente dobrados ao galego. E por suposto, están os westerns modernos. Todos teñen elementos comúns: hai certa violencia, a paisaxe ten un papel fundamental, as vilas son pequenas, o epicentro é a taberna, despútanse o poder, o orgullo e o territorio, as bandas sonoras son épicas, protagonízanos personaxes rurais que andan co gando e moitas veces ten peso o humor negro. Ademais todos acontecen no oeste. No lonxano oeste.
Esta proposta, concibida para ser desenvolta en contornas naturais que favorezan unha escoita activa dos cantos dos paxaros e homenaxear o clásico Ornithology de Charlie Parker e Benny Harris, convoca a dúas das personalidades galegas máis relevantes nos seus ámbitos: o narrador Quico Cadaval e o saxofonista de jazz Pablo Castaño.
Treides Comigo! é un espectáculo cunha moi boa acollida de prensa e público, ao fío do sétimo disco de Xoán Curiel co mesmo nome. Novo e vello ao mesmo tempo, unha fusión do antigo e do contemporáneo, unha visión orixinal, didáctica e diferente de presentar as cantigas da lírica medieval galego-portuguesa neste século XXI.
