Do Audible é un ciclo de concertos promovido pola Consellería de Cultura, Educación e Ordenación Universitaria, coa colaboración de Vertixe Sonora, que procura a normalización da escoita de música contemporánea no noso territorio. Do Audible investiga puntos de encontro entre a música, a ciencia, a arte e o pensamento, que faciliten o achegamento do público non especializado e a conquista dunha percepción musical máis consciente.
Na súa sexta edición, o ciclo Do Audible pecha cunha actuación no Vello Cárcere de Lugo. Aquí preséntase a proposta Koan, con Elliot Simpson. Da experiencia participan tamén os estudantes do Conservatorio Profesional de Música Xoán Montes da cidade que, a partir dun obradoiro co músico, desenvolverán unha obra colectiva que explora a acústica do centro cultural.
Na súa sexta edición, o ciclo Do Audible achega á Coruña o Manifesto Gutai. Esta actuación xira arredor da dualidade entre música contemporánea e arte sonora, a través da exploración sobre a composición material do son e o espazo que ocupa o feito sonoro.
Na súa sexta edición, o ciclo Do Audible leva a Ourense un concerto arredor da literatura e da improvisación electroacústica. Procedente de Austria, Natascha Gangl, dramaturga e creadora de instalacións teatrais, presentará xunto ao dúo electroacústico Rdeča Raketa un cómic desbordante de enerxía baixo o título Wendy vai a México.
Na súa sexta edición, o ciclo Do Audible achega a Vigo Kontakte, de Karlheinz Stockhausen, a primeira composición cuadrifónica da historia, predecesora do son envolvente actual. O compositor alemán Karlheinz Stockhausen foi un dos grandes mestres da música do século XX.
L'Imaginaire de Estrasburgo mantén unha posición singular entre os ensembles europeos: traballa coas obras de compositores contemporáneos como o faría un comisario de arte, pensando os proxectos en detalle, para interpretalos da mellor maneira e integralos no seu repertorio. É un grupo no que os creadores atopan intérpretes entregados, dispostos a desenvolver novos conceptos musicais como parte dunha acción colectiva.
O zoólogo Julio Parapar, profesor na Universidade da Coruña e participante nas expedicións da Antártida (Ventart 2003 e Ventart 2006), é o convidado no programa Hibridación.
O Museo Galego do Entroido acolle o concerto Memorias líquidas coa presenza do percusionista brasileiro Luís Bettencourt nun espectáculo que, ademais de lembrarnos a auga como elemento precioso, demostra as súas capacidades como instrumento musical.
Xapón e a arte da caligrafía motivan o primeiro programa do ciclo Do Audible en 2017 Caligrafía do son, que conta coa presenza da performer e calígrafa nipoa Aoi Yamaguchi. Aio Yamaguchi, multipremiada como calígrafa en Xapón, colaborou xa con músicos, compositores de contemporánea, produtores, bailaríns, modelos etc.
Con Arturo Leyte (filósofo) e Luc Döbereiner (compositor).
Este último programa, que desenvolve dous discursos paralelos, filosofía e música, e, con diferentes obras para instrumentos de vento –da autoría de Edgar Varèse, Richard Barrett, Gerald Eckert e Luc Döbereiner–, aborda o concepto do espazo na composición.
Conducido pola agrupación convidada deste ano no ciclo Do Audible, a suíza UMS’n JIP, un dos conxuntos de música contemporánea máis activos e experimentados da escena internacional, que destaca pola súa indagación na voz humana. Este segundo programa do ciclo rolda o mundo da ópera cunha visión que bota man de medios acústicos, electrónicos e dixitais.
