Precisamente, este documental é unha idea orixinal do Departamento de Memoria Histórica da Deputación de Pontevedra para dar a coñecer lugares e feitos relacionados con esta represión na provincia a través da música.
A novo paradigma cultural e de consumo complica a subsistencia dun cinema alternativo e cooperativo. Javi, Miguel, Vero, Marco, Marta, Miguel Ángel ou Cristina son algunhas das persoas que cada día empéñanse en non deixar secar Cineciutat, un oasis de cinema de autor e combativo. A historia complícase cando os problemas técnicos colapsan e é necesario conseguir 30.000? para poder facerlle fronte a unha inspección que obrigue ao peche do cinema.
Iris é unha rapaza solitaria cun traballo mecánico e rutineiro nunha fábrica de mistos. Na casa ten que soportar a falta de cariño da súa nai e do seu padrastro. Despois dunha noite de festa, a súa vida cambiará e os anos de rabia contida estouparán nun forte estalido.
Terceira entrega da "Triloxía do proletariado" de Kaurismäki.
Negro Púrpura retrata un dos lugares de maior produción a nivel mundial de claviceps purpurea: Galicia. Este fungo alucinóxeno, que brota nos cereais, ábrenos as portas dunha historia tan curiosa, sorprendente e descoñecida como importante na evolución da cultura e da economía de Galicia no s. XX. Desde os campos galegos chegan historias espalladas que nos deixan un gusto amargo a pan de centeo, historias que repercuten traspasados os océanos. Unha cortiza que garda un pedazo delirante.
Maixabel Lasa perde no ano 2000 ao seu home, Juan María Jaúregui, asasinado por ETA. Once anos máis tarde, recibe unha petición insólita: un dos asasinos quere entrevistarse con ela no cárcere de Nanclares da Oca en Áraba, onde cumpre condena tras romper os seus lazos coa banda terrorista. A pesar das dúbidas e da inmensa dor, Maixabel Lasa accede a atoparse cara a cara coas persoas que acabaron a sangue frío coa vida de quen fora o seu compañeiro desde os dezaseis anos.
Teñen unha ferraxería, quérense, son felices e non fan moitas preguntas. Eles son, Esteban e Marigel, punto. Pero un día, o teatro chega ao pobo e Esteban, fascinado pola experiencia, deixa de ser Esteban. Xa non pode ser o mesmo. Algo cambiou nel. A música posúeo, literalmente, convertendo toda a súa vida nun musical grotesco, incomprensible aos ollos das persoas nas que vive. E, mentres canta, ... comeza a dicir a verdade.
Cabiria é unha pobre prostituta que, tras ser humillada por varios homes, quere cambiar de vida. Un hipnotizador de feira predílle o futuro co que ela soña; un mozo que lle propoñerá matrimonio. Ela, ilusionada, entrégalle os seus aforros ao seu noivo, que terminará roubándoa e abandonándoa.
O mozo Encolpio acusa a Asclito de traizoar a súa amizade, quitándolle ao adolescente Giton. Encolpio vai en busca do seu rival, ao que atopa nas termas. Alí, Asclito confesa que vendeu o escravo a un actor, o que provoca unha loita violenta entre ambos. Nunha barraca de madeira, que serve como escenario, o actor presenta o seu espectáculo. Encolpio ve aparecer a Giton disfrazado de Cupido. Sobe ao escenario para levarllo pero os outros actores impídenllo. Entón intervén un maxistrado que impón a entrega do adolescente a Encolpio baixo a pena de esnaquizar o teatro.
Tras a espléndida ""8 e medio"", Fellini tentou unha operación similar, centrándose nun personaxe feminino construído á medida da súa esposa. A evocación das pantasmas desta muller realízase cunha exuberancia formal realmente brillante. Con todo, e en relación co seu precedente, tende en exceso a frivolizar o estimulante material.
Unha caravana de coches sofre un atasco providencial no medio dun túnel. Dentro dun deles está o director de cinema Guido Anselmi, que sente desfallecer ata que esperta nunha especie de balneario, onde queda impresionado pola beleza dunha enfermeira que reparte auga mineral entre os enfermos. Alí, o paciente recibe a todos os seus amigos, que lle aconsellan como facer a súa próxima película. Entre soños, chega o seu amante, á que alberga nun hotel de ínfima categoría, onde ambos simulan que entrou por confusión.
